Përgjegjësja për marrëdhëniet me publikun në aeroportin e Prishtinës, Valentina Gara, ka konfirmuar kërcënimin për shpërthim me bombë në aeroportin Adem Jashari.
Përmes një njoftimi zyrtar ajo bëri me dije fillimisht se për arsye sigurie u evakua i gjithë personeli dhe udhëtarët, por pas konstatimeve të ekipeve të planit emergjent u pa se kishim të bënim me një alarmë të rremë.
Njoftim i parë zyrtar:
Konfirmojmë se kemi pranuar një kërcenim me bombë.
Udhetarët dhe personeli janë evakuar dhe janë të sigurtë.
Ekipet e involvuara në planin emergjent janë duke kryer detyrat e tyre.
Do te ju mbajmë të informuar!
Në një njoftim të dytë, gara njoftoi se pasi u konstatua se kishim të bënim me një alarm të rremë, aeroporti është rihapur dhe fluturimet do të kryhen normalisht.
Njoftim i dytë zyrtar:
Ju njoftojmë se janë ndërmarrë të gjitha veprimet operative dhe hetimore nga organet kompetente të Republikës së Kosovës.
Kjo ka rezultuar se kërcënimi me bombë ka qenë alarm i rrejshëm.
ANP ‘Adem Jashari’ është i hapur për fluturime, dhe të gjitha fluturimet do të procesohen si zakonisht!